Familiei eta lagun taldeei zuzendutako ekintza honen bitartez, herritarrek udalerriko ingurumenaren zaintza zuzenean parte hartuko dute. Mugikortasuna, zarata, ura, biodibertsitatea, eta baita hondakinei buruzko diagnostikoa egingo da Bolueko hezegunetik ibilbide autogidatua baten bidez. Diagnostikoa aurrera eraman ahal izateko beharrezkoak diren material guztiak Ingurumen Aretotik eskainiko dira: prismatikoak, identifikatzeko gidaliburuak, sonometroak, uraren analisia egiteko kit-a eta abar. Beharrezkoa da aurretik izena ematea.