Ondarearen Europako Jardunaldien barruan antolatu da familia-jarduera hau.
Getxoko nekazaritza- eta gastronomia-ondarea estu lotuta dago landatar eta itsas sustraiekin. Udalerriko lehen hiriguneak sortu zirenetik, bertako biztanle gehienak nekazaritzan, arrantzan edo ehoketan aritzen ziren. Tailer honetan, iragan ez hain urrun horren isla den natura eta kultura ondare horren zati bat ezagutaraziko da, hala nola landazabal atlantikoko ekosistemak, bertako nekazaritza-barietateak edo Bolue araneko antzinako errotak. Ondoren, pasta integrala eskuz egiteko tailerra egingo da, Txaramela Pastaren eskutik. Bertan, produktu ekologikoen eta km 0 -aren kontsumoaren garrantzia azalduko da.
Ordutegia: 10:30etatik 13:30etara. Beharrezkoa da aurretik izena ematea eta Ingurumen Aretoko baieztapena jasotzea. Gomendatutako gutxieneko adina: 5 urte.