Altxorraren Bila familia eta lagun taldeei zuzendutako ekintza da. Honetan talde bakoitzak koordenatu batzuk jasoko ditu eta horietako bakoitzean ezkutatutako “altxor” bat aurkitu beharko du. Altxor horrek hezeguneko toki esanguratsu baten informazioaz gain, letra bat izango du. Taldeek hitz bat osatu beharko dute letra guztiak erabiliz. Hitz sekretuaren asmatzaileen artean Getxoko Aquarium-erako 4 txiki-sarrera zozketatuko dira. Ez da beharrezkoa izena ematea aldez aurretik.
Aldi berean Ginkana autogidatu bat eskainiko da Bolueko Hezegunetik. Ekintza honekin familiek eta lagun taldeek hezegunea ezagutzeko aukera aparta izango dute, kanpoan egiten diren joko eta ekintza desberdinen bitartez. Parte hartzaileak proposatutako puntuetan gelditu beharko dira eta horietako bakoitzean froga bat burutu. Kasu honetan ere ez da beharrezkoa izena ematea aldez aurretik.