Ibilbide honetan, Bolueko Esploratzaileak jardueran egiten den moduan, ingurumenaren alderdi desberdinak aztertuko dira (mugikortasuna, zarata, ura, biodibertsitatea eta hondakinak), baina kasu honetan, ibilbidea gidatua izango da hezeguneko egoera eta historia hobeto ezagutzeko. Diagnostikoa aurrera eraman ahal izateko beharrezkoak diren material guztiak Ingurumen Aretotik eskainiko dira: prismatikoak, identifikatzeko gidaliburuak, sonometroak, uraren analisia egiteko kit-a eta abar.
Aldi berean, Ozeanoen Munduko Eguna gertu dagoela aprobetxatuz, eta kontutan izanik hondakin askok itsasoetan amaitzen dutela, geldiune bakoitzean parte hartzaileen laguntzaz hondakinen garbiketa burutuko da. Ibilbidea 11:00-etatik 14:00-etara burutuko da eta familia eta lagun taldeei zuzenduta dago. Beharrezkoa da aurretik izena ematea.