Ingurumenaren Munduko Eguna dela eta (ekainak 5), ibilbide gidatu hau garatuko da, adin guztiei zuzenduta (8 urtetik aurrera) eta Ingurumen Aretoko hezitzaileetako batek gidatuta. Gutxi gorabehera 2 ordutan, kontserbazio-egoerarekin, biodibertsitatearekin eta gune horren kudeaketarekin lotutako hainbat alderdiri erreparatuko zaie.
Jarduera 11:00etan hasiko da Bolueko bonba-etxean. Inguruko hegaztien argazkiak ikusi ahal izango dira, baita Bolue inguruko argazki zaharrak ere. Ibilbidea 13:00etan amaituko da, hezegunean. Beharrezkoa da aldez aurretik izena ematea eta Aretotik baieztapena jasotzea.