Uraren Nazioarteko Eguna oso gertu dagoela aprobetxatuz, familiei zuzendutako ibilbide gidatu honen bidez, parte hartzaileek Gobela ibaia beste ikuspuntutik ezagutu ahal izango dute. Gaur egungo egoera aztertzeaz gain, historian zehar izan diren aldaketak ere ikusiko dira, Getxoko kaleetatik burutuko den ibilbide honen bidez. Horrez gain, Ur kudeaketarekin eta saneamenduarekin lotutako hainbat aspektu aztertuko dira.
Ibilbidea 11:00-etatik 13:30-etara burutuko da, Getxoko kaleetatik. Ingurumen Aretoko hezitzaile batek dinamizatuko du eta kasu honetan ezinbestekoa da aldez aurretik izena ematea.