Ba al zenekien modarena munduko bigarren industria kutsatzaileena dela, eta mundu osoko uraren kutsaduraren % 20 sortzen duela?
Horri buruz eta askoz gehiago hausnartuko dugu moda jasangarriko tailer honetan. Bertan, txiki bakoitzak (8 urtetik gorantz) “Fundación Punta Begoña” fundazioak eta Getxoko Udaleko Turismo sailak emandako olana zahar bat berrerabili ahal izango du, ondoren apaindu ahal izango duten diru-zorro bat bezalako osagarri berri bat egiteko. Haiekin doazen helduek, gainera, mugikorreko zorro bat egin ahal izango dute.
Bi txanda egingo dira: 10:30etik 11:45era eta 12:15etik 13:30era. Beharrezkoa da aldez aurretik izena ematea eta Ingurumen Aretotik baieztapena jasotzea.