Ama Lurraren Nazioarteko Eguna dela eta, aire zabaleko marrazki-lehiaketa bat antolatu da Ingurumen Aretoko lorategian. Parte-hartzaileek naturarekin eta ingurumenarekin zerikusia duten marrazkiak egiteko beharrezko material guztiak izango dituzte eskura. Marrazki horiekin, eta mikrokontakizun lehiaketan aurkeztutako kontakizunekin, “Hau da gure Lurra” izeneko erakusketa bat antolatuko da maiatzean Ingurumen Aretoan.
Bi kategoria daude: 4-9 urtekoak eta 10-15 urtekoak. Bi kasuetan, saria saski bat izango da, produktu ekologikoekin.
Lehiaketaren oinarriak HEMEN kontsulta ditzakezu.
Bi txanda egingo dira: 10:30etatik 11:45etara eta 12:15etatik 13:30etara. Beharrezkoa da aldez aurretik izena ematea eta Aretotik baieztapena jasotzea.