Upcoming Events
Events List Navigation
NATURAREN DETEKTIBEAK + ESPLORATZAILE TXIKIAK
Esploratzaile txikiak (3 urtetik aurrera) eta Naturaren detektibeak (6 urtetik aurrera) ekintza autogidatuetan Ingurumen Aretoko inguru naturala ezagutuko da zentzumenen eta esperimentazioaren bidez. Horretarako, Ingurumen Areto inguruan zenbait geldialdi egitea planteatzen da, eta hauetan ingurumenarekin lotutako hainbat gai landuko dira. Geldialdiak baratzean, hildako enbor batean, tximeleten oasian, dortoken putzuan eta Arboretumean egiten dira, dinamika ezberdinak burutuz. Bi txanda egingo dira: 10:30etatik 11:45etara eta 12:15etatik 13:30etara. Beharrezkoa da aldez aurretik izena ematea eta Ingurumen Aretoko baieztapena jasotzea
Find out more »
BIO-DIBER TAILERRA: ITSAS-EKOSISTEMAK ARRAUTZ-ONTZIEKIN (IZURDE ETA BAILEEN MUNDU EGUNA)
Izurdeen eta Baleen Munduko eguna merezi bezala ospatzeko, gaur itsas ekosistemen maketak sortuko ditugu arrautza-ontziak berrerabiliz. Txikiek itsas hondoa balira bezala koloreztatu ahal izango dituzte, eta apaingarriak gehitu, benetako itsas maskor gisa. 6 urtetik gorakoentzat. Bi txanda egingo dira: 10:30etik 11:45era eta 12:15etik 13:30era. Beharrezkoa da aldez aurretik izena ematea eta Ingurumen Aretoko baieztapena jasotzea.
Find out more »
HEGAZTIEN KOLOREAK
Gure inguruko hegazti batzuek koloreak galdu dituzte. Kolore horiek berreskuratzen lagunduko diezue? Jarduera honen bidez, Ingurumen Areto inguruan pista-joko erraz bat egingo da, eta parte hartzen duten taldeek 6 hegazti misteriotsuak zein diren asmatu beharko dute, eta benetako koloreekin koloreztatu beharko dituzte. Gainera, jarduera amaitzerakoan, Baliabide Zentroko “Getxoko hegaztiak” argazki-erakusketa bisitatu ahal izango da. Gomendatutako gutxieneko adina: 6 urte. Ordutegia: 10:30, 11:00, 11:30, 12:00, 12:30 eta 13:00. Beharrezkoa da aldez aurretik izena ematea eta Ingurumen Aretotik baieztapena jasotzea.
Find out more »
ITSU ITSUAN NATURAN (GUTXIENEZ 2 PERTSONAKO TALDEENTZAKO JARDUERA)
Jarduera autogidatu berri honen bidez parte hartzaileek Ingurumen Areto inguruan esperimentazio sentsorialean oinarritutako hainbat joko dibertigarri garatu ahal izango dituzte. Ekintza honen helburua zentzumen desberdinak esnatzea da naturara hurbildu eta berarekin konektatzen laguntzeko. Bi txanda egingo dira: 10:30etik 11:45era eta 12:15etik 13:30era. Beharrezkoa da aldez aurretik izena ematea eta Ingurumen Aretotik baieztapena jasotzea. Parte hartzeko gomendatzen dizuegun gutxieneko adina 8 urtekoa da
Find out more »
BOLUEKO ZUHAITZ GALDUAK (JARDUERA AUTOGIDATUA)
Bolueko hezeguneko zuhaitz batzuen arrastoa galdu dugu. Aurkitzen lagunduko diguzu?Jarduera autogidatu horren bidez, parte hartzen duten pertsonek eta taldeek ekosistema honetako 5 espezie tipiko identifikatu ahal izango dituzte, hala nola lizarra, hurritza, haltza, makala edo sahatsa. Aretotik ematen diren materialak erabiliz, parte-hartzaile bakoitzak herbario sinple bat egin ahal izango du. Parte hartzen duten eta beren herbarioaren emaitzaren argazkiak partekatzen dituzten pertsona guztien artean sei hilean behin Euskal Herriko landareen gida bat zozketatuko dugu.Jarduera autogidatu berri bat da, publiko guztiarentzat, 10 urtetik aurrera, eta beharrezkoa da aldez aurretik izena ematea eta Ingurumen Aretotik baieztapena jasotzea.Ordutegia: 10:30, 10:45, 11:00, 11:15, 11:30, 11:45, 12:00, 12:15, 12:30, 12:45, 13:00, 13:15, 13:30.
Find out more »
BOTANIKARIA EGUN BATEZ (JARDUERA AUTOGIDATUA)
Landareen gaia gustatzen zaizu, baina zaila egiten zaizu kaktus bat eta geranio bat bereiztea? Horrela bada, hau da zure jarduera! Botanikaren mundu liluragarrira hurbiltzeko, Ingurumen Aretotik gida digital bat bidaliko dizugu, Bolue inguruan oso ohikoak diren 8 espezieren argazki, marrazki eta bideoekin. Helburua, hezegunean zuen kabuz egingo duzuen ibilbide baten bidez, landare horiek identifikatzea eta jarduera egunean emango dizkizugun materialekin herbario sinple bat egiten hastea da. Parte hartzen duten eta euren herbarioaren emaitzaren argazkiak gurekin partekatzen dituzten pertsona guztien artean, sei hilean behin Euskal Herriko landareen gida bat zozketatuko dugu. Jarduera autogidatu berri hau publiko guztiarentzat da (10 urtetik aurrera), eta beharrezkoa da aldez aurretik izena ematea eta Ingurumen Aretotik baieztapena jasotzea. Ordutegia: 10:30, 10:45, 11:00, 11:15, 11:30, 11:45, 12:00, 12:15, 12:30, 12:45, 13:00, 13:15, 13:30
Find out more »