EA2030, GIH-ak eta zerbitzurako ikaskuntza
![EA2030, GIH-ak eta zerbitzurako ikaskuntza](https://www.ingurumenaretoagetxo.eus/wp-content/uploads/2024/01/IMG-20240123-WA0005.jpg)
Eskolako Agenda 2030 berriaren helburu nagusia da herritar ahaldunduak eta kontzientzia ekosoziala dutenak prestatzea, ikasleen parte-hartze aktiboa sustatuz udalerri iraunkorragoak eraikitzen. Garapen iraunkorreko helburuen xedeak erreferentziatzat hartuta, ekintzara pasatzeko eskatzen da.
Ikasleen partaidetza ekosoziala eta lidergoa bultzatu nahi da erabakiak hartzean eta udalerrian ekintza eraldatzaileak ezartzean.
Planteamendu horren ondorioz, 2023-2024 ikasturterako, Getxon Eskolako Agenda 2030 programan parte hartzen duten ikastetxeetako ikasleak bizikleta martxa bat antolatzen ari dira, maiatza aldera eta udalerri osotik igaroko dena. Ekintza honen bidez, herritar guztiak kontzientziatu nahi dituzte garraiobide iraunkorren erabilerari buruz, eta oraindik egiten ez duten ikasleak bizikletaz edo oinez eskolara joatera animatu nahi dituzte.
Gainera, ibilbide horren diseinua udalerriko bidegorrien sarea handitzeko erabili ahal izango du Udalak, eta, bestalde, gaur egun hobekuntzaren bat behar duten puntuak detektatuko dira.
Ikasleek, gainera, Ingurumen Aretoko hezitzaile taldearen laguntzarekin ikastetxeetan bertan egiten ari diren tailerren bidez, martxa aldarrikatzailea izatea erabaki dute, baina baita inklusiboa, segurua eta dibertigarria ere.
Animo guztioi!
Recommended Posts
![Abuztuan Aretoa itxita egongo da](https://www.ingurumenaretoagetxo.eus/wp-content/uploads/2024/07/beach-3121393_1280-420x330.png)
Abuztuan Aretoa itxita egongo da
July 30, 2024
!["Jai garbien alde" kanpaina](https://www.ingurumenaretoagetxo.eus/wp-content/uploads/2024/07/Cartel_Por-unas-fiestas-limpias-420x330.png)
“Jai garbien alde” kanpaina
July 24, 2024
![11 Biosfera erreserba berri Planetan](https://www.ingurumenaretoagetxo.eus/wp-content/uploads/2024/07/is-2927597_1280-420x330.jpg)
11 Biosfera erreserba berri Planetan
July 22, 2024