EZ GALDU GETXOKO GAZTEEK EGINDAKO “HAU DA GURE LURRA” ALDI BATERAKO ERAKUSKETA
Maiatzerako eta ekainerako antolatu ditugun jarduera ugarien artean, gogorarazi nahi dizuegu maiatzaren 25etik ekainaren 12ra Getxoko ikasleek egindako lanek osatutako erakusketa berezi bat bisitatu ahal izango dela Ingurumen Aretoan. Getxoko neska-mutilek “Ama Lurraren Munduko Eguna” dela eta egin dituzten marrazki eta mikro-kontakizunak dira, “Hau da gure Lurra” izenburupean.
Udalerriko 20 gaztek baino gehiagok parte hartu duten marrazki eta mikrokontakizunez gain, Eskolako Agenda 2030 programan parte hartzen duten ikasleek aurten hartu dituzten konpromisoak, proposamenak eta ekintza eraldatzailea ere ikusi ahal izango dira, gure udalerrian mugikortasun jasangarriagoa, inklusiboagoa eta irisgarriagoa izan dadin pertsona guztientzat.
Ez galdu! Astean zehar 10:00etatik 14:00etara eta 15:30etik 17:30era bisitatu ahal izango duzu, eta asteburu eta jaiegunetan 10:00etatik 14:00etara, goi solairuko Baliabide Zentroan.
Recommended Posts
TXIMISTA BERDEA
January 10, 2025
“ZOMORROEN BILA” JARDUERA BERRIA
January 3, 2025
Gabonetako programazio berezia
December 18, 2024